من طرف حاولو تفهمونى يا رجاله
إحم إحم من غير خناق كده أنا عندى كلمتين بايخين بس مش بايخين أوى
والله أنا مش ضدكم يارجاله مفيش بنت أصلا ضدكم سيبكم من الكلام اللى مالى الدنيا دلوقتى عن اننا قط وفار بنتناقر زى مايكون لازم حد فينا يغلب
ياسلام يعنى لو غلب هيقدر يعيش ف الدنيا لوحده ده كلام فارغ جدا لكن مايمنعش إن جزء كبير من أزمه المجتمع بيتحملها الرجل للاسف الرجاله مشكله لينا
ملاحظاتى ان البنات المحترمه بمعنى الكلمه كتير جدا ومنطقيا طالما إحنا ربنا يبارك بقينا 9 أضعافكم يبقى منطقيا نسبه المحترمات برده زادت يمكن تساويكم
طبعا مفيش تعميم لكن ف نماذج للرجل بقت منتشرة جدا بين الشباب لمفاهيم مغلوطه ف دماغهم خلت مشاكل كتيرة حصلت ف المجتمع وخلتنا نحتار ونستنى وممكن بنوته تنجرح وهى بتدور ع الراجل ايلى بجد مش بيلبس لبس يلخبط الواحد
وياسلام لو عمل ف شعره زى بتوع اغانى الفيديو كليب ومش كده بس لا ده ف راجل جاف ف مشاعره وقاسى ف عواطفه وفاكر إن التعبير عن أحاسيسه ضعف رغم إن دفء المشاعر كلام أو فعل من وجهه نظرى جزء كبير من الرجوله ولنا ف الرسول (ص) مع زوجاته خير أسوة
للاسف ف سيدات كتير جدا بتبدأ معاناتهم من ده
فيه بقى نوع تانى خااالص ف الروقان ملوش غير انه يوزع كلام وموبايله قرب ينفجر من النمر ايلى عليه وبقى فيه تحويل رصيد والتكافل الاجتماعى يظهر وع إيه دقيقه الموبايل بقت بعشرين ولا بعشره ولا تمانيه ولا خمس قروش ده حتى الشركات حاسه بأزمه الشباب وبتقدم العروض والله يا بلاش وليه طيب ما ساعه النت أرخص وساعات بتبقى صوت وصورة بس ايلى بيتكلم مابيبقاش شايف ايلى بيكلمه ياترى بيتكلم مع مين كمان ولا تعرف عدد البنات ايلى دنجوان العصر والزمان بيسرح بيهم زى ما بيسرح بيها
شوفو يا شباب
مش قصدى أهاجكم ف العموم لان أبقى بضحك ع نفسى لو أنكرت إنك شريك حتمى لحياتى لحد مماتى ولا قصدى أدافع عن البنات لكن بتكلم عن كل بنت عاديه زيى
عن بنات جيلى اللى افتكر كلهم معايا ف اننا ما نستغناش عنكم
أب نشعر ف حضن بيته بالامان وف إيد كفها ممدوده لشاب بالزهو والثقه
مستغناش عنك أخ لو عرفت إيد البنت حنيته ويصادقها صعب جدا تدور ع بديل بره عمره ما هيكون أخ وقت اللزوم
ومستغناش عنك زوج يكون حبيب يكون بطل القصيده وشريك الحياه اللى يحب ويعطف ويحمى ويهون معاه المشوار عشان كده كل بنت عاديه جدا بتحلم برجل حقيقى جدا
فاهمينى يا رجاله
إحم إحم من غير خناق كده أنا عندى كلمتين بايخين بس مش بايخين أوى
والله أنا مش ضدكم يارجاله مفيش بنت أصلا ضدكم سيبكم من الكلام اللى مالى الدنيا دلوقتى عن اننا قط وفار بنتناقر زى مايكون لازم حد فينا يغلب
ياسلام يعنى لو غلب هيقدر يعيش ف الدنيا لوحده ده كلام فارغ جدا لكن مايمنعش إن جزء كبير من أزمه المجتمع بيتحملها الرجل للاسف الرجاله مشكله لينا
ملاحظاتى ان البنات المحترمه بمعنى الكلمه كتير جدا ومنطقيا طالما إحنا ربنا يبارك بقينا 9 أضعافكم يبقى منطقيا نسبه المحترمات برده زادت يمكن تساويكم
طبعا مفيش تعميم لكن ف نماذج للرجل بقت منتشرة جدا بين الشباب لمفاهيم مغلوطه ف دماغهم خلت مشاكل كتيرة حصلت ف المجتمع وخلتنا نحتار ونستنى وممكن بنوته تنجرح وهى بتدور ع الراجل ايلى بجد مش بيلبس لبس يلخبط الواحد
وياسلام لو عمل ف شعره زى بتوع اغانى الفيديو كليب ومش كده بس لا ده ف راجل جاف ف مشاعره وقاسى ف عواطفه وفاكر إن التعبير عن أحاسيسه ضعف رغم إن دفء المشاعر كلام أو فعل من وجهه نظرى جزء كبير من الرجوله ولنا ف الرسول (ص) مع زوجاته خير أسوة
للاسف ف سيدات كتير جدا بتبدأ معاناتهم من ده
فيه بقى نوع تانى خااالص ف الروقان ملوش غير انه يوزع كلام وموبايله قرب ينفجر من النمر ايلى عليه وبقى فيه تحويل رصيد والتكافل الاجتماعى يظهر وع إيه دقيقه الموبايل بقت بعشرين ولا بعشره ولا تمانيه ولا خمس قروش ده حتى الشركات حاسه بأزمه الشباب وبتقدم العروض والله يا بلاش وليه طيب ما ساعه النت أرخص وساعات بتبقى صوت وصورة بس ايلى بيتكلم مابيبقاش شايف ايلى بيكلمه ياترى بيتكلم مع مين كمان ولا تعرف عدد البنات ايلى دنجوان العصر والزمان بيسرح بيهم زى ما بيسرح بيها
شوفو يا شباب
مش قصدى أهاجكم ف العموم لان أبقى بضحك ع نفسى لو أنكرت إنك شريك حتمى لحياتى لحد مماتى ولا قصدى أدافع عن البنات لكن بتكلم عن كل بنت عاديه زيى
عن بنات جيلى اللى افتكر كلهم معايا ف اننا ما نستغناش عنكم
أب نشعر ف حضن بيته بالامان وف إيد كفها ممدوده لشاب بالزهو والثقه
مستغناش عنك أخ لو عرفت إيد البنت حنيته ويصادقها صعب جدا تدور ع بديل بره عمره ما هيكون أخ وقت اللزوم
ومستغناش عنك زوج يكون حبيب يكون بطل القصيده وشريك الحياه اللى يحب ويعطف ويحمى ويهون معاه المشوار عشان كده كل بنت عاديه جدا بتحلم برجل حقيقى جدا
فاهمينى يا رجاله
